разноцветен | прид.
Што има, што се состои од различни цветови. Разноцветен дезен. Разноцветна градина.
разобеси | св.
Обеси поголем број предмети по разни места. Таа разобеси ткаени народни творби на ѕидовите.
разоблачи се | св.
Престане да биде облачно. Небото се разоблачи.
разобличи | св.
Јавно покаже нечиј негативен лик, улога, постапка; демаскира нечие однесување или дејствување. Авторот ја разобличил сета нивна аморалност и хипокризија.
разобличувачки | прид.
Што прави нешто да се разобличи. Разобличувачки постапки.
разоглавен | прид.
Што е без оглав, ослободен од оглав. Разоглавен коњ.
разоглави | св.
Симне оглав од животно (за коњ). Момчето го разоглави коњот.
разоди се | св.
Се раздвижи со одење по долго седење. Таа добро се разоди.
разонода | ж.
Забава, задоволство во некоја активност за да се подобри расположението. Секому му треба малку разонода. Тоа го прави од разонода.
разоноди | св.
Одвлече некому мисли, развесели некого; причини некому задоволство. Тој ги разоноди присутните со своите весели досетки. Таа ги разоноди гостите.
