разофка се | св.
Почне да офка зачестено и погласно. Таа се разофка од силните болки.
разочара | св.
Предизвика чувство на незадоволство, не исполни некому очекувања. Тој ме разочара мене. Нејзиниот избор ги разочара домашните.
разочаран | прид.
Што се разочарал, што изгубил надеж, што доживеал спротивно од очекуваното. Разочарани деца. Разочарана публика. Разочаран човек.
разочарувачки | прид.
Што предизвикува чувства на разочараност. Разочарувачки податоци. Разочарувачки резултати. Разочарувачка информација.
разработен | прид.
Глаголска придавка од разработи.
разработи | св.
Направи да работи добро, интензивно, во голема мера, оспособи за користење. Жените ја разработија ткајачницата. Новите сопственици го разработија дуќанот.
разработка | ж.
Дополнителна, поподробна обработка, доработка на нешто (замисла, план итн.). Разработката на оваа идеја е неопходна. Тој пристапи кон разработка на јазичните прашања.
разрадости се | св.
Почне да се радува, се разрадува, почувствува радост во поголема мера. Кога ја слушна веста, тој многу се разрадости.
разрадува | несв.
Носи, пренесува, предизвикува некому радост. Тој ги разрадува домашните. Убавата вест ги разрадува присутните.
разранет | прид.
Што има рани. Разранета уста. Разранети нозе. Разрането тело. Разранети плеќи.
