тамам | прил.

Токму, точно по мера, по големина. Чевлите ми се тамам.

тамани | несв.

Уништува со убивање, ловење и сл.; истребува. Норовите ја таманат плашицата.

тамариска | ж.

Вид украсно растение; Tamarix.

тамбур | м.

Тапан, барабан.

тамбура | ж.

Ориентален, жичен музички инструмент на кој се свири со перце.

тамбураш | м.

Свирач на тамбура.

тамбурина | ж.

Дајре.

тамина | прил.

Приближно, одоко. Еве што зајре зедов по тамина, оти не ми нарача што да земам.

тамо | прил.

тамошен | прил.

Што се наоѓа, што потекнува или што е поврзан со тоа место, со тој крај за којшто се зборува. Тамошното население. Тамошниот учител. Тамошната печатница. Во тамошните дуќани можеш да најдеш што ќе посакаш.