данок | м.

Дел од доходот, од трудот и сл. што ѝ се дава на државата или на општината. Собира данок. Неплатен данок.

даночен | прид.

Што се однесува на данок. Даночна книга. Даночна комисија. Даночен службеник.

даночник | м.

Овластено лице што собира данок; лице што работи во даночна служба, што пресметува данок.

дансинг | м.

Локал во кој посетителите може да се забавуваат со танцување; игранка. Дансинг-клуб.

Данска | ж.

Држава во Европа.

дапче | ср.

дар | м.

Тоа што по своја волја се дава некому; подарок. Срцето ѝ го ветил за дар. Повели, цвеќе за дар.

дара | ж.

Разлика во тежина меѓу стоката и амбалажата во која се наоѓа.

дарба | ж.

Вродена особина, способност за творење во областа на уметноста, на науката, на техниката и сл.; талент, надареност. Дарба за помнење. Дарба да претскажува. Поетска дарба.

дарбалија | прид.

Што има дарба, надарен.