дебитант | м.
Лице што првпат јавно настапува; почетник. Доби награда за дебитант на фестивалот. Тој е дебитант во литературата.
дебитира | св. и несв.
Настапи, настапува првпат јавно. Дебитира со игран филм. Дебитира како автор на забавни мелодии.
деблокира | св. и несв.
Прекине, прекинува блокада; отстрани, отстранува забрана. Го деблокира кредитот. Цела зима деблокира патишта.
дебнач | м.
дебне | несв.
Дебрецин | м.
Град во Унгарија.
дева | ж.
Девица, девојка – како составен дел од името на христијанската Богородица. Света дева Марија.
девалвација | ж.
Законско намалување на вредноста на една валута со решение на владата или на централната банка на една земја.
девалвира | св. и несв.
Изврши, врши девалвација.
деведесет | бр.
Основен број девет пати поголем од десет; се бележи со бројката 90.
