демонстрант | м.
Тој што демонстрира, учесник во демонстрација. Демонстранти и диверзанти. Демонстрантите застанаа токму пред неговиот прозорец и викаа.
демонстративен | прид.
Што има својство на демонстрација. Демонстративен напад. Демонстративно изјавување.
демонстратор | м.
Тој што за време на предавања (обично во високото образование) покажува примери, илустрации (фотографии, карти, материјали и сл.). Обично најдобриот студент може да биде демонстратор.
демонстрација | ж.
Јавно, масовно изразување на незадоволството кон некого или нешто. Мартовски демонстрации. Студентски демонстрации. Штрајкови, демонстрации и бунтувања против режимот.
демонстрира | св. и несв.
Земе учество, учествува во демонстрација, јавно го покаже, го покажува своето незадоволство кон некого или нешто. Демонстрантите демонстрираа пред владата.
демонтажа | ж.
Расклопување, разглобување на составните делови; Монтажата и демонтажата на бараката не е лесна работа.
демонтира | св. и несв.
Разглоби, разглобува на составни делови (машина, уред, предмет и сл.), врши, изврши демонтажа. Немавме време да ја демонтираме радиостаницата.
деморализација | ж.
Опаѓање, ослабување на моралот; изопаченост, расипаност. Во нашава средина владее деморализација.
деморализира | св. и несв.
Направи, прави некого малодушен, предизвика, предизвикува губење на самодоверба. Ги деморализира младите. Црквата им служи како орудие на разните пропаганди и тоа го деморализира населението.
ден | м.
Времето од изгревање до заоѓање на сонцето; ноќ. Вчерашен ден. Долг ден. Зимски ден. Работи по цел ден. Работен ден.
