дивергира | св. и несв.
Се размине, се разминува, се оддалечи, се оддалечува еден од друг. Дивергираат од главната тема.
диверзант | м.
Човек што врши диверзија, учесник во диверзија. Група од шестмина диверзанти.
диверзија | ж.
(воен.) Самостојна воена операција со цел да се одвлече вниманието на непријателот од главното боиште. Со диверзијата ќе го одвлечеме вниманието на непријателот.
дивеч | м.
Диви животни што се ловат (обично оние чие месо се јаде). Крупен дивеч. Пердувест дивеч. Печен дивеч. Месо од дивеч. Кожа од дивеч. Ловиште на дивеч.
диви се | несв.
Станува див, не се однесува питомо, нормално (од страв и сл.).
дивиденда | ж.
Сразмерен дел од добивката на акционерското друштво што им се дава на акционерите врз основа на билансот. Доби дивиденда. Дивидендата расте.
дивизион | м.
Стратегиска единица составена од две до три батерии во артилеријата или од два до три ескадрона во коњицата и сл.
дивизија | ж.
Најголема здружена воена единица за самостојно дејствување. Артилериска дивизија. Воздушна дивизија. Тенковска дивизија.
дивина | ж.
Диво, непроодно, зафрлено, ненаселено место, земјиште. Пуста дивина. Повик на дивината.
дивит | м.
Мастилница од сребро или од друг метал.
