доапне | св.

Изеде до крај.

доаргатува | св.

Престане, заврши со аргатувањето.

доарчи | св.

Потроши. Ги доарчи парите од куќата.

доаѓа | несв.

Пристигнува од некаде на кој било начин. Таа доаѓаше на работа точно во девет часот. Доаѓаше возот и него го обзеде нестрпливост. Од фронтот не доаѓаа никакви вести.

доаѓачка | ж.

доајен | м.

Најстар или најугледен член на дипломатски кор или на некој друг угледен собир, колектив и сл.

доба | ж.

Време (обично ноќно). Идењето на комесарот во оваа доба и во овој миг ги збуни. Во оваа доба обично ја наполнуваше печката. Која доба е сега?

добаботи | св.

За оган – почнува да тлее, да се гаси. Огнот во печката добаботи.

добае | св.

Престане, заврши со баењето.

добар | прид.

а) Што е со мек и благ карактер, што не прави зло, што сочувствува со другите. Нема подобар учител од него. Тој беше добар човек и добар татко. Тие беа добри деца. б) Што е карактеристичен за човек со благ карактер. Тој има добра душа и добро срце.