доболи | св.
Почувствува болка од нешто. Тие негови зборови најмногу го доболеа.
добори се | св.
Заврши со борењето; престане да се бори. Тој не можеше да се добори со големата толпа луѓе што го притискаше од сите страни.
добразди | св.
Заврши, прекине со орањето. Ја добразди нивата и почна да сее.
добрани | св.
Одбрани нешто или некого. Тешко можеш да го добраниш лозјето од птиците.
добраноса | св.
Заврши со влачењето (со брана), со браносувањето.
добре | прил.
Само во изразите: Добре дојде! Добре најдов!
добредојде | ср.
Поздрав што се упатува кон некого при неговото доаѓање. Тој им пожела на сите гости добредојде.
добредојден | прид.
Срдечно, со радост пречекан, примен. Секогаш си добредојден во нашиот дом.
добрза | св.
Престане со брзањето.
добрина | ж.
Особина на тој што е добар; пријателско расположение спрема луѓето, спремност за давање помош, великодушност. Од лицето му избиваше добрина. Жедно му гледаше во очите оти старецот сета своја добрина како да ја имаше во погледот.
