желба | ж.
Стремеж кон нешто, мечта, копнеж за некого или нешто. Тие имаа страсна желба за читање и за пеење. Ме обзема желба да те видам.
желбен | прид.
Што содржи, што чувствува некаква желба, потреба и сл.
желе | ср.
Овошен сок сварен со шеќер којшто се претвора во пивтија; вид бонбони. Желе од дуња.
желевце | ср.
Дем. од железо.
железар | м.
Лице што обработува железо. Железарите штрајкуваат во кругот на железарницата.
железарија | ж.
Предмети од железо. Дуќан со железарија.
железарница | ж.
Топилница и леарница на железо. Железарницата работеше со намален капацитет.
железарство | ср.
Занает на железар;
железен | прид.
Што е од железо. Железна прачка. Железен кревет.
железница | ж.
Сообраќајно средство за превоз на стока и патници со единствен заеднички пат, пруга, шини и сите постројки на пругата; железнички возни средства и техничко-комерцијална организација што ги организира и регулира сите дејности во врска со тоа. Работи на железница. Подземна железница.
