жива | ж.
Хемиски елемент, метал во течна состојба, со сребреникава боја; симбол Hg. Живата во термометарот се спушти под нулата.
живалец | м.
живе | прил.
Само во составите: на живе, при живе – додека е, додека бил жив.
живеалиште | ср.
Дом за живеење, куќа, зграда. Тој направи најубаво живеалиште на брегот. Живеалиштата од ова село одамна се напуштени.
живее | несв.
Постои, суштествува како жив организам, жив е. Секој има право да живее.
живец | м.
Кожичка околу коренот на ноктот.
живејачка | ж.
Живот, живеење. Го прашав како е со живејачката и со здравјето.
живин | прид.
Што се однесува на жива, што е од жива. Живин термометар.
живина | ж.
(само едн.) Домашни птици, пердувести животни. Објектите во кои се сместува живината се нарекуваат живинарници.
живинарник | м.
Место, заграден простор или кафез каде што се чува живина. Живинарникот е поголема ѕидана зградичка со полно простории и прегради за секаква живина.
