азимут | м.

(астр.) Аголот (од 0о до 360о) сметан во насоката од југ кон запад, меѓу јужниот дел на меридијанот на набљудувачот и вертикалата на набљудуваното небесно тело.

азна | ср.

Благајна, ризница. Целата царска азна да ја испразниш.

азнадар | м.

Благајник

Азовско Море | ср.

Море во Европа опкружено со Украина и Русија.

Азорски Острови | и.

Португалски острови во северниот дел на Атлантскиот Океан.

азот | м.

Гас без боја, мирис и вкус, една од главните состојки на воздухот; симбол N.

Азот | м.

Област во Македонија.

азотен | прид.

Што содржи азот како главен елемент. Азотни ѓубрива.

Азотија | ж.

азур | м.

Небесна синевина. Пукна длабокиот азур на морето.