активира | св. и несв.
Поттикне, поттикнува кон засилена активност, дејство. Откако ја заврши гимназијата тој ги активира сите другари во спортот.
активист | м.
Активен член на некоја група, заедница; човек што се занимава активно со политика или со некоја друга работа. Тој е голем активист. Активистите ја направија програмата и ја реализираа.
активност | ж.
Дејствување, работа. Учениците покажаа голема активност на часовите.
актинидија | ж.
Суптропско овошно дрво, што расте како лозата, со плодови со влакнеста тенка обвивка, однадвор кафеави, внатре зеленкасти со киселкав вкус; киви.
актовка | ж.
Едночинка, драмски текст во еден чин.
актуализација | ж.
Обновување, осовременување, доведување во важност за сегашниот момент, за сегашноста. Со претставувањето на текстовите се врши нивна актуализација.
актуализира | св. и несв.
Направи, прави да биде нешто актуелно, да стане важно во сегашниот момент. Комисијата го актуализира прашањето за акцизите.
актуелен | прид.
Современ. Ова е актуелно дело што ги следи сите најнови движења. Овие теми се актуелни.
акумулатор | м.
Складиште на електрична енергија,апарат во кој се собира резервна електрична енергија. Акумулаторот е веќе на дотрошување.
акумулаторски | прид.
Што има својство да претставува складиште на енергија. Акумулаторски систем.
