архитектура | ж.
Наука за проектирање, изградба и уметничко обликување на градежни објекти.
архитектурен | прид.
Што се однесува на архитектура.
архиѓакон | м.
Повисоко звање за ѓакон, прв ѓакон.
архијереј | м.
Старешина на свештениците; владика.
арчи | несв.
Троши пари. Сите пари ги арчеше за храна. Таа многу арчеше за фустани.
аршин | м.
Стара мера за должина (помеѓу 65 и 75 сантиметри).
аршлама | ж.
Едногодишно растение, со главичка во земјата и издолжени листови, пера, сладок кромид; Allium fistulosum.
ас | м.
Во картите за играње ‒ единица, најсилна карта.
асе | ср.
Фино памучно платно за везење, изработка на постелнина и сл.
асептичен | прид.
Што е заштитен од зараза; што е без заразни микроорганизми.
