аскер | м.
Војска. Голем аскер мина низ селото и зад себе пустош остави. Селата се наполнија со аскер.
аскет | м.
Човек што се откажува од сетилните задоволства и се стреми кон морална и духовна чистота
аскетизам | м.
Религиозно учење што проповеда самоодрекување.
аскетство | ср.
Начин на живот на аскетите.
асли | прид.
прид. Вистински, прав. Се покажа асли човек.
Асмара | ж.
Главен град на Еритреја.
асолен | прид.
Добар, вреден, корисен. Зетот се погоди асолен човек.
асонанција | ж.
Повторување на исти самогласки во еден стих.
асортиман | м.
Избор на разни видови трговска стока. По продавниците можеше да се најде голем асортиман на производи.
асоцира | св. и несв.
Поврзе, поврзува во свеста една појава со друга, предизвика, предизвикува асоцијација на нешто. Жолтата боја асоцира на нешто несакано, а виолетовата асоцира на таинственост. Овие стихови асоцираат на народната поезија. Советот ги асоцира двете здруженија во сојуз.
