борилиште | ср.
Место каде што се одвива борба, борење. Борилиштето беше преполно со луѓе.
борина | ж.
Смолесто дрво од бор што служи за осветлување или за потпалување оган. Домаќинката кладе неколку страка борина на светалникот. Старата го запали огнот со борина.
боринар | м.
Човек што бере борина. Некои дрвари, боринари врват по патот.
боринов | прид.
Што е од борина. Боринови деланки.
бориновина | ж.
Мирис на борина. Замириса бориновина и тој мирис му дојде како мевлем за душата.
бормашина | ж.
Електрична или рачна дупчалка.
Борнео | ср.
Остров во Индонезија.
боров | прид.
Што е од бор. Борова шума. Борови иглички.
боровина | ж.
Борово дрво, градежен материјал од борово дрво.
боровинка | ж.
(бот.) Вид зрнесто, планинско овошје; Vaccinium myrtillus. Момчињата набрале некои темјанужни малини и боровинки.
