борба | ж.
Упорно дејствување, умствен и физички напор за совладување на некакви пречки, за постигање определена цел. Борба за мир. Борба за рамноправност. Борба за зголемување на производството. Борба со природната стихија. Политичка борба.
борбен | прид.
Што е готов, што има желба да се бори.
бордел | м.
Јавна куќа.
бордеро | ср.
Листа, извод, сметка што се издава со одредена намена. Во менувачницата ми дадоа бордеро за разменетите девизи.
бордо | прид.
Темноцрвена боја. Таа купи бордо здолниште и бела блуза.
бордура | ж.
Украсен раб, шара по раб на ткаенина. Бордурата е многу често застапена кај килимите, најчесто на црвено поле со најразлични орнаментирани форми и мотиви.
борење | ср.
Вид спорт, борба на двајца противници заради совладување со физичка сила. Натпреварот во борење ќе се одржи идната недела.
борец | м.
Учесник во борба. Тие биле неразделни другари и бестрашни борци.
борилиште | ср.
Место каде што се одвива борба, борење. Борилиштето беше преполно со луѓе.
борина | ж.
Смолесто дрво од бор што служи за осветлување или за потпалување оган. Домаќинката кладе неколку страка борина на светалникот. Старата го запали огнот со борина.
