борачки | прид.
Што се однесува на борач. Борачки спорт. Борачка вештина.
борба | ж.
Упорно дејствување, умствен и физички напор за совладување на некакви пречки, за постигање определена цел. Борба за мир. Борба за рамноправност. Борба за зголемување на производството. Борба со природната стихија. Политичка борба.
борбен | прид.
Што е готов, што има желба да се бори.
бордел | м.
Јавна куќа.
бордеро | ср.
Листа, извод, сметка што се издава со одредена намена. Во менувачницата ми дадоа бордеро за разменетите девизи.
бордо | прид.
Темноцрвена боја. Таа купи бордо здолниште и бела блуза.
бордура | ж.
Украсен раб, шара по раб на ткаенина. Бордурата е многу често застапена кај килимите, најчесто на црвено поле со најразлични орнаментирани форми и мотиви.
борец | м.
Учесник во борба. Тие биле неразделни другари и бестрашни борци.
борење | ср.
Вид спорт, борба на двајца противници заради совладување со физичка сила. Натпреварот во борење ќе се одржи идната недела.
бори се | несв.
Прави физички напор да победи, да надвие некого во борба еден со друг. Нашиот борач ќе се бори со првакот на вашата земја во борење. Тој се бореше во мојата бригада.
