брусница | ж.

Црвена боровинка, дрво и плод; Vaccinium vitis idaea L.

брут | м.

Долгнавест метален шилест предмет со главче на другиот крај што може да се закове, да спои, да зацврсти нешто; клинец, шајка.

брутален | прид.

Претерано груб, суров, безобѕирен. Тие биле мачени и брутално убивани.

бруто | прид.

Тежина на стока заедно со обвивката и амбалажата.

бруцелоза | ж.

Заразна болест кај животните која се пренесува и на луѓето преку производите од заразено животно или при директен допир со него. Од бруцелоза заболуваат најчесто овчарите, краварите и ветеринарните работници.

бруцош | м.

Студент на прва година без положен испит. Бруцошите ги прими деканот на факултетот.

брца | несв.

Става нешто во некоја течност, најчесто во вода; топи, потопува. Детето ги брцаше рацете во нечистата вода.

брцка | несв.

брцне | св.

Стави, потопи нешто во некоја течност, најчесто вода. Тој ја брцна перодршката во мастилницата и започна да го пишува писмото.

брчало | ср.

Дел од гајдата кој дава монотон низок тон. Стана, им отиде на гајдаџиите, им ги затна брчалата и запреа свирките.