бувне | св.
Тресне, силно удри. Тој ја бувна вратата и си отиде.
бувта | несв.
Удира, бие, тупа по нешто. Тапаните цел ден бувтаа и свиреа зурли.
бувтамбек | м.
Ќотек. Таму дошло до силни пресметки со бувтамбеци и ластегарки.
Бугарија | ж.
Држава во Европа.
будала | и.
ж./м. Глупак, нетокму, човек што не е сосема здрав со паметот. Будалите слепи се при очи. Пуштете го овој будала. Сандар будалиот.
будалак | м.
будалаштилак | м.
будалаштина | ж.
Будалско однесување, будалеста постапка
будалее | несв.
Станува будала. Тој старееше и будалееше сè повеќе и повеќе.
будалест | прид.
Што покажува особини на будала, што се однесува како будала. Некогаш ми доаѓа будалеста мисла да дојдам во вашата соба и да ве гледам како спиете.
