бигорлив | прид.
Што содржи бигор; варовит. Бигорлив предел. Бигорлива вода.
бигороса | св.
Фати бигор. Лонецот бигороса од водата.
биготизам | м.
Претерана набожност, верска заслепеност.
биде | ср.
Вид мала порцеланска када во санитарна просторија што служи за подмивање. Бело биде. Италијански бидеа.
биде | св.
Како самостоен полнозначен глагол само со формите за идно време се доближува до значењата стане, се случи, има. Не оти од овие ќе биде луѓе, велеше татко ми. Ќе биде и тоа ќе биде, само да сме живи и здрави. Ќе биде кркање! Војна ќе биде! Утре ќе биде таква збрка што не ќе можам ни да се видам со него.
бидејќи | сврз.
За поврзување зависносложени причински реченици. Не излегов бидејќи не ме пуштија.
бидермаер | м.
(само едн.) Декоративен стил во применетата уметност во првата половина на 19 век. Во стил на бидермаерот.
бидува | несв.
Во функција на спојка во именскиот прирок. Димитар бидува затворен и спроведен прво во Битола, а потоа во цариградската зандана. Тој бидува натоварен со таа задача.
бие | несв.
Тепа, удира. Таткото го биеше синот. Стопанот го биеше магарето со ластегарка.
биенале | ср.
Културна манифестација што се одржува секоја втора година. Второ биенале. Биенале на народни песни и игри.
