биеница | ж.
бижутерија | ж.
Накит од евтини материјали што заменува скапоцен. Злато или бижутерија. Колекција од убава бижутерија. Се занимава со бижутерија.
бизарен | прид.
Необичен, чуден. Бизарен детаљ. Бизарна слика.
Бизерта | ж.
Град во Тунис.
бизмут | м.
Метал, обично служи за градење легури; симбол Bi.
бизнис | м.
Работа, деловност, ангажираност во некоја дејност што донесува економска корист.
бизнисмен | м.
Лице што се занимава со бизнис, деловен човек, трговец. Бизнисмен од странство. Богат бизнисмен.
бизон | м.
Преживар од родот на диви говеда, особено развиен и обрастен во предниот дел на телото, со куси нозе. Црн бизон. Бизон бафало.
бик | м.
Нескопено говедо што најчесто служи за приплод. Млад бик. Разјарен бик. Два полудиви бика.
бикарбонат | м.
Сол на јаглеродната киселина. Сода бикарбонат. Натриумов бикарбонат.
