валмест | прид.

Што е вретенест. Телото ѝ беше цврсто и валместо.

валмо | м.

Вретено, оска, столб на воденично колце.

валмоса | св.

Исуче во форма на валмо. Валмосани мустаќи.

валовец | м.

валог | м.

Планинска долина што се ора. Во валогот работеа неколку селани.

Валонија | ж.

Област во Белгија, со франкофонско население.

валоризација | ж.

Определување на вредноста, проценка; поправање или зголемување на цените на стоките, на валутата, хартиите од вредност, на инвестициите и сл. по вештачки пат. Може да се спроведе валоризација на хартиите од вредност.

валоризира | св. и несв.

Изврши, врши валоризација.

валс | м.

валта | ж.

Рамна и влажна плодна земја. Напролет лежеа на влажна и плодна валта и раскажуваа за зимата што помина.