волница | ж.
Дем. од волна. Тенка волница.
волов | прид.
Што му припаѓа на вол. Волова кожа. Волов рог.
воловар | м.
Тој што чува или пасе волови. Воловарите ги потераа воловите на пасење.
воловарник | м.
Место, штала каде што се чуваат волови. Го чистеше воловарникот.
Волови | и.
Народен назив за соѕвездието Бик.
волонтер | м.
Лице што работи доброволно или бесплатно заради лично усовршување. Тој е волонтер во една хуманитарна организација. Таа е волонтер во општината.
волт | м.
Единица за мерење електричен напон.
волтметар | м.
Инструмент за мерење на електричниот напон.
волумен | м.
(мат., физ.) Просторот што го зафаќа некое тело; зафатнина. Волумен на коцка. Волумен на тело.
волуменозен | прид.
Што има голем волумен, што зазема голем простор; што е обемен, опсежен. Волуменозен творечки опус. Од волуменозната храна најважно е сеното.
