вамошен | прил.
Што е ваму, тукашен. Вамошни села.
вампир | м.
Според народното верување, мртовец кој навечер го напушта гробот, ги дави луѓето и им ја пие крвта.
вампири се | несв.
Се претвора во вампир.
вампироса се | св.
Се претвори во вампир, стане вампир.
вампирџија | м.
Според народното верување, тој што може да види или да убие вампир.
ваму | прил.
На ова место, тука. На многумина им изгледам дека сум дојден ваму за да ја спасам својата кожа. Ела, ваму!
ваму-таму | прил.
На сите страни. Ја бараше ваму-таму под големите дрвја.
вангелие | ср.
вангелоса се | св.
Се исплаши, го фати ужас. Тој исцибри и се вангелоса.
вангла | ж.
Поголем, обично емајлиран кујнски сад со потесно дно и поширок отвор. Нечистите садови ги ставаше во ванглата за подоцна да ги измие.
