врвлест | прид.

Што има врв, што е заострен, шилест. Врвлести ножици. Врвлести прсти. Врвлест клун.

врвовинка | ж.

Плод од овошје или зеленчук што останал на крајот на сезоната, по бербата. Ги прибираат последните врвовинки од уште неосланетите пиперки и патлиџани.

врволица | ж.

Множество луѓе, многу народ, поворка. Врволицата влезе во центарот на градот извикувајќи пароли. Од сите страни надоаѓаа врволици жени и деца.

врволка се | несв.

Се вртка, шета ваму–таму. Се врволкаа луѓе цел ден и цела ноќ. Му заповеда да не се враќа и да не му се врволка пред очи. Низ ходникот се врволкаат војници.

врвулест | прид.

врвулица | ж.

врвушка | ж.

Врв, обично на дрво. Над врвушките на дрвјата се наѕираше денот.

врвца | ж.

Не многу тенка нишка за врзување. Врвци конопени. Врвци за чевли. Донесе букет цвеќе врзано со алова врвца.

врвчи се | несв.

Непрекинато поминува, се ниже, се точи. Автомобилите се врвчат пред децата. Се врвчеа луѓе со саати.

врга | ж.

Израсток на тело. Му се појавија врги по рацете. Ајдукот ќе добие две големи врги од ластегарката.