втера | св.
Сосила натера некого да влезе во ограничен простор. Некој со клоца низ врата в одаја ме втера.
втисне | св.
Со притискање врз некој предмет направи негов отпечаток во нешто, со притисок остави трага во нешто. Неговите стапалки ги втисна во песокта.
вткае | св.
Внесе со ткаење, вметне, зацврсти преѓа во она што го ткае. Откако ја кажаа новината за војната, таа не втка чивит конец.
втоне | св.
Исчезне во длабочините на вода, песок и сл.; потоне, пропадне. Се држи за да не втоне во водите и да не им се даде на чудовиштата.
втор | бр.
Што е по ред зад првиот, редна бројна придавка според бројот два. Втор ред. Втор чин. Втор дел. Второ издание. Втора светска војна. Втор брат.
вторак | м.
Двогодишник.
втораче | ср.
Дете што има две години.
вториче | ср.
Обичај кога зетот со своите роднини оди кај родителите на невестата вториот петок по свадбата. Ќе одиме на вториче кај мајка ти.
вторичен | прид.
Што е второстепен, секундарен. Вторично значење.
вторник | м.
Втор ден во неделата, ден по понеделник. Секој вторник оди на пазар.
