вир | м.
Длабоко место во река каде што слабо истекува водата и прави вртежи, витли. Вирот што го направивме во реката не беше подлабок од мишките. Од железничкиот мост надолу почнуваа опасни вирови.
вирее | несв.
За растение ‒ расте, успева. Во нашата држава виреат некои индустриски билки. Борот вирее до определена надморска височина.
вири | несв.
Собира вода или друга течност во вид на вир, прави вир. Под карпава вири.
вирман | м.
Документ, образец за безготовинско плаќање меѓу субјектите во платниот промет.
вирмански | прид.
Што се однесува на вирман, плаќање со вирман.
вироза | ж.
Болест предизвикана од вирус. Ова е време на вирози и настинки.
виртуелен | прид.
Измислен, невистинит, што го има само како можност. што може да се пројави. Виртуелен свет.
виртуоз | м.
Врвен репродуктивен уметник, во прв ред музичар, кој совршено владе со техниката на својата уметност. Виртуоз на виолина. Виртуоз на хармоника.
виртуозен | прид.
Совршено вешт, технички совршен, извонреден. Виртуозна изведба.
вирус | м.
Микроорганизам поситен од бактерија што може да предизвика заразна болест. По навлегувањето на вирусот во крвта, се јавува висока температура.
