вкоричи | св.
Врзе во корици, стави напишан, отпечатен материјал во корици. Ја вкоричи дипломската работа.
вкотви | св.
Спушти, фрли котва, за пловен објект, брод и сл. Екипажот го вкотви воениот брод на отворено море.
вкочанет | прид.
Здрвен, смрзнат, неподвижен. Вкочането тело. Вкочанет поглед.
вкочани | св.
Направи некого или нешто да стане здрвен, стврднат, смрзнат, неподвижен, вкочанет. Големиот студ во ноќта беше го вкочанил пијаниот паднат во снегот. Студот му ги вкочани прстите на стражарот.
вкрвавен | прид.
Што е со крв, облиен со крв. Вкрвавени белки (очи).
вкрвави | св.
Направи некого или нешто да биде со крв, во крв. Го вкрвави од тепање.
вкрсти | св.
Стави нешто, врзе во форма на крст.
вкуќи | прил.
Дома, во куќата. Да влеземе вкуќи.
вкуп | прил.
Заедно, на куп, одеднаш.
вкупен | прид.
Што ги опфаќа сите делови, сите елементи, потполн, целосен. Вкупен износ на средства. Вкупен приход.
