гумнен | прид.
Што се однесува на гумно. Гумнен стожер.
гумниште | ср.
гумно | ср.
Рамно и широко место каде што се врши жито, обично со коњи. Селаните седнаа на гумното за да се одморат и да ручаат.
гуна | ж.
Селска топла горна облека сошиена од шајак. Нашиот селски терзија шиеше селски гуни, џамадани, бечви и др.
гунак | м.
Вид гуна.
гуња | ж.
гурабија | ж.
Ситно колаче направено од брашно, јајца, шеќер, масло, ореви и др.
гурбет | м.
Одење во туѓа земја за да се заработат пари; печалба. Селаните беа принудени да одат на гурбет поради сиромаштијата.
гурбетлак | м.
Занимавање со гурбет; печалбарство. Цел живот одеше на гурбетлак.
гурбетува | несв.
Работи во туѓа земја. Десет години гурбетуваше.
