гаргара | ж.
Плакнење на устата со вода или со лековита течност, при што течноста се држи во устата неколку минути и со помош на издишната струја се бранува на сите страни во усната празнина. Секоја вечер правеше гаргара на устата.
гарда | ж.
Лична стража, одбрани војници што го чуваат претседателот на државата, кралот и сл. Кралска гарда. Почесна гарда.
гарденија | ж.
Вид тропско растение со убави и мирисливи цветови од фамилијата Rubiaceae; Gardenia Florida.
гардероба | ж.
Дел од мебел во којшто се чуваат алишта; плакар, шифоњер, орман, шкаф. Во спалната немаше место да се стави гардероба.
гардеробер | м.
Лице што работи во гардероба. Му го подаде палтото на гардероберот.
гардист | м.
Припадник на гарда. Гардистите стоеја покрај претседателот.
гарнизон | м.
Дел од војска сместен на едно место заради обука или обезбедување. Целиот гарнизон се преместуваше на друго место.
гарнир | м.
Додаток од зеленчук и др. кон главното јадење од месо или од риба. Со месото имаше богат гарнир.
гарнира | св. и несв.
Дополни, дополнува, украси, украсува порција со месо или риба со разни додатоци од зеленчук и сл.
гарнитура | ж.
Повеќе предмети што прават една целина; комплет. Гарнитура за седење.
