гастритис | м.
Воспаление на желудникот.
гастроном | м.
Добар познавач на храната и на начините на нејзиното подготвување.
гастрономија | ж.
Вештина за подготвување разни видови јадења.
гата | несв.
Прорекнува судбина, гледа, бае. Отиде да му гатаат на карти.
гаталец | м.
Човек што гата, јасновидец; врач, бајач, пророк. Беше како гаталец кој чита судбина од дланка.
гатанка | ж.
Краток опис на предмет, појава, суштество со цел да се разоткрие; загатка.
гатач | м.
гатер | м.
Машина за сечење, бичење дрва; машинска пила со повеќе сечила.
гатерист | м.
Човек што работи на гатер.
гатка | ж.
Кратка приказна, гатанка, загатка.
