генеалогија | ж.
Историја на едно семејство; родослов. Истражувајќи ја генеалогијата на своето семејство, дојде до интересни податоци.
генеза | ж.
Зачеток, настанување, потекло. Таму лежеше генезата на проблемот.
генерал | м.
Висок офицерски чин, звање повисоко од полковник.
генерален | прид.
Што е општ. Во тоа се состојат генералните забелешки за книгата.
генерализација | ж.
Обопштување, наоѓање заеднички елементи. Се прави генерализација на проблемите.
генерализира | св. и несв.
Обопшти, обопштува нешто. Може да се генерализира дека постојат две главни насоки.
генералии | и.
Општи, лични податоци (име, датум, место на раѓање и сл.). Ги запиша своите генералии.
генералитет | м.
Генералскиот состав на една војска. Одлуката се донесе од генералитетот.
генералица | ж.
Жена на генерал.
генералштаб | м.
Врховна команда на една војска. Беа избрани двајца нови членови на генералштабот.
