геноцид | м.
Систематско уништување, истребување на определена група луѓе поради расни, верски или национални причини. Се вршеше геноцид на еврејскиот народ.
геноциден | прид.
Што се однесува на геноцид.
гео- | претс.
Како прв дел во сложенки со значење земја, земјен, во врска со земја, на пр.: геоботаника, географија, геологија, геофизика.
геоботаника | ж.
Наука што се занимава со проучување на распространетоста на определени видови растенија.
геоботаничар | м.
Човек што се занимава со геоботаника.
географ | м.
Човек што се занимава со географија.
географија | ж.
Наука за Земјата, нејзините особености, територијалната распространетост на населението и живите организми, условите за живот; земјопис. Биолошка географија. Политичка географија. Физичка географија.
геодезија | ж.
Наука за мерење земјени површини, обично за картографски, стопански и воени цели.
геодет | м.
Човек што се занимава со геодезија.
геолог | м.
Човек што се занимава со геологија.
