гесло | ср.
Збор или израз што претставува водечка мисла; мото, девиза, парола. Ним гесло им беше слободата на духот.
гест | м.
Движење со телото, обично со раката. Децата ги подадоа рацете со оној професионален гест, со кој се пита леб.
гестаповец | м.
Припадник на тајната полиција Гестапо во времето на владеењето на Хитлер (1933 – 1945).
гестикулација | ж.
Движење со телото, обично со рацете. Кога зборуваше, беше многу интересен поради гестикулациите што ги правеше со рацете.
гестикулира | несв.
Прави гестикулација. Актерот премногу гестикулираше на сцената.
Гетеборг | м.
Град во Шведска.
Гетинген | м.
Град во Германија
гето | ср.
Градска населба населена со Евреи, а во поново време секоја градска населба населена со луѓе дискриминирани на расна, верска или национална основа. Црнечко гето. Еврејско гето.
ги | зам.
Кратка форма за директен објект од личните заменки тие, они; се употребува сама или заедно со долгата форма – нив ги; Ќе ги береме костените. Нив ги чекаме.
гиба | несв.
Допира, пипа. Не гибај ме!
