гласник | м.
Известувач, пренесувач на гласови, на вести. Преку гласник било известено дека жена му родила две дечиња.
гласноговорник | м.
Човек што е задолжен да изнесува нечии ставови; застапник. Тој е гласноговорник на сиромасите.
гласовен | прид.
Што е составен од гласови, што се однесува на гласови. Гласовен систем. Гласовни можности.
гласовит | прид.
Што има силен глас. Зборуваше силно зашто беше гласовит.
гледа | несв.
Насочува поглед кон некого или кон нешто. Таа со раширени очи гледаше во девојката што лежеше.
гледалиште | ср.
Простор во театар, во опера и сл. предвиден за публика. Спроти бината имаше гледалиште со клупи.
гледан | прид.
Што е негуван, чуван. Детето беше добро гледано.
гледач | м.
Човек што гледа некаква претстава, филм и сл., поединец од публика. Кога се појави тој со својот танец, гледачите се поттргнаа назад.
гледен | прид.
Само во изразот гледна точка;
гледиште | ср.
Определен начин на размислување, становиште, стојалиште, гледна точка. Тој понекогаш сопственото разбирање на нештата го ставаше пред гледиштето на колективот.
