глобала | и.
Во составот – во глобала: Целосно, општо. Во глобала се согласувам со предлогот.
глобален | прид.
Што е целокупен, вкупен, сеопшт. Во овој осврт авторот дава глобален преглед на поранешната и на сегашната состојба.
глоби | св. и несв.
Казни, казнува парично. Собирачите на данок глобат, селаните се бунат.
Глобочица | ж.
Вештачко езеро во Македонија.
глобус | м.
Модел на Земјината топка со обележана географска карта на него што се врти околу оска и служи како нагледно средство во наставата по географија.
глог | м.
Шумско овошно дрво со трње и со месести црвени плодови; Crataegus. Меѓу глоговите и шиповите се тегнеше широкиот коњски пат.
глогинка | ж.
Плод на глог. Отиде да си касне уште некоја останата зрела глогинка.
глогов | прид.
Што потекнува од глог, што му припаѓа на глог. Глогово гранче. Глогови плодови.
глоговец | м.
Вид пеперуга, во фаза на гасеница ги напаѓа јаболкницата, крушата, сливата, а од шумските дрвја само глогот; Aporia crataegi L.
глоговица | ж.
Глогов стап.
