грам | м.
Основна единица за мерење тежина, илјадити дел од килограм.
грамада | ж.
Куп, обично камења или дрва. Единствен знак дека тука биле куќи беа грамадите камења од нив.
грамаден | прид.
Што е голем, крупен. Грамадна планина. Грамаден човек.
граматика | ж.
(лингв.) Дел од лингвистиката во кој се проучуваат морфолошкиот и синтаксичкиот систем на даден јазик. Традиционална граматика. Историска граматика. Споредбена граматика.
граматичар | м.
Човек што се занимава со граматика.
грамота | ж.
Повелба, диплома, официјален документ. Најстар документ каде што се спомнува населбата е Калимановата грамота.
грамотен | прид.
Што е писмен. Грамотен човек.
грамофон | м.
Апарат што произведува звук со помош на специјални плочи и звучници.
Гранада | ж.
Покраина во Шпанија.
Гранада | ж.
Град во Шпанија.
