грамотен | прид.
Што е писмен. Грамотен човек.
грамофон | м.
Апарат што произведува звук со помош на специјални плочи и звучници.
Гранада | ж.
Покраина во Шпанија.
Гранада | ж.
Град во Шпанија.
граната | ж.
Артилериска муниција полнета со експлозивен материјал. Грмеше од мини и гранати.
гранатира | св. и несв.
Погоди, гаѓа, уништи, уништува со гранати. Го гранатираа градот.
грандиозен | прид.
Што е огромен, величествен. Грандиозна конструкција. Грандиозен план. Грандиозен уметник.
грандоман | м.
Човек што има претерано високо мислење за себеси; мегаломан.
грандоманија | ж.
Манија за преувеличување на самиот себе и сопствената вредност; мегаломанија.
гранит | м.
Исклучително цврст камен, сличен на мермер, што се користи како градежен материјал (за изработување споменици, надгробни плочи, фасади и др.). Патиштата беа поплочени со првокласен гранит.
