гранулација | ж.
Претворање во зрнеста состојба.
гранулом | м.
Воспалено место на ткивото во вид на зрно. Гранулом на заб.
граор | м.
Растение во вид на разгранет ползавец, со темнокафеави или црни плодови во мешунки, што се користи како добиточна храна; Lathurus.
граориште | ср.
Место, нива посадена со граор.
граорка | ж.
Мешункасто растение од семејството; Onobrychis sativa.
графа | ж.
Простор меѓу две вертикални линии во документи, формулари, графикони, крстозбори и сл.
графика | ж.
Ознака за сите подрачја на цртање во уметноста и во индустријата (и техничко цртање и применета графика), како и за умножување со печатење.
графикон | м.
Цртеж на кој сликовито се прикажани разни податоци, појави, резултати и сл.
графит 1 | м.
Минерал со црна боја што се употребува за правење моливи.
графит 2 | м.
Текст или цртеж на фасади на згради и на други објекти.
