доводен | прид.
Што служи за доведување, за спроведување на нешто. Доводните вентилациони канали се поставуваат на страните на објектот.
довоз | м.
Донесување стока со превозно средство. Довозот на стоки во тие услови беше отежнат.
довози | св.
Извози до крај; заврши со возењето. Возачот на формула го довози последниот круг.
доволен | прид.
Што е во онаа мера колку што е потребно; достатен. Самиот тој чин бил доволен за да ме згазат. Јас не сметав дека таа казна му е доволна. Доволен е само еден збор, па целиот одред да јурне. Раководителите не успеаја да бидат во доволна мера во согласност со барањата на нивната работа.
доволно | прил.
Во доволна мера, онолку колку што е потребно. Знаеше дека син му е доволно умен за да знае да се снајде. Мислам дека не ја сакаше доволно. Има доволно храна за сите.
довообличи | св.
Даде на нешто конечен облик, оформи до крај. Тој ги довообличи само оние текстови што содржат суштински елементи.
довојува | св.
Заврши, престане со војувањето. Оваа битка мора да се довојува и покрај сите притисоци.
довратник | м.
Составен дел (најчесто страничен) од рамката на вратата или целата рамка; просторот под вратата. Тој ја пикна ногата меѓу довратникот. Се потпре на довратокот за да ја пропушти тројката
доврви | св.
Изврви до крај. Го доврви патот.
довреви | св.
Престане со вревењето. Доцна во ноќта улицата довреви и тишина го исполни просторот.
