догрли | св.
Заврши со покривањето со земја, со грлењето компири, пченка и сл.
догрми | св.
Престане да грми. Времето стивна, облаците догрмеа.
догрува | св.
Заврши со грувањето.
догруши | св.
Заврши со гмечењето, изгмечи до крај (грозје и др.) 2. Заврши со кршењето ореви, лешници.
догурбетува | св.
Престане да оди на гурбет, на печалба.
додавач | м.
Лице што додава некакви предмети при работа. Тој е најдобриот додавач во екипата.
додаде | св.
Даде, стави, направи нешто дополнително; дополни, дотокми. Му нареди да додаде малку мед и сето тоа да го измеша. Но, за ткаењето да биде појако, ќе ви додадам уште една нишка.
додатен | прид.
Што се додава, што е уште некој дел, елемент кон нешто што е целосно; дополнителен. Додатни делови. Додатна опрема.
додаток | м.
Тоа што се дава кон нешто за да го дополни, да го подобри и сл. Како додаток во јадењето се ставаат неколку зачини.
додвори се | св.
Стекне нечија наклонетост, заработи нешто со умилкување, ласкање, вршејќи различни услуги, со понизно однесување. Гледаше секогаш да му се додвори на директорот.
