доктринерство | ср.
Строго придржување кон определена доктрина без согледување на фактите од реалноста. Тој беше против партиското доктринерство.
документ | м.
Официјално издаден текст со определени податоци што може да послужи како доказ или потврда за нешто. Лични документи. Патни документи. Документи за идентификација.
документарен | прид.
Што се однесува на документи, што е заснован на документи или податоци за нешто. Документарен филм. Документарен материјал. Документарна фактура.
документарец | м.
Документарен филм. Тој снима само документарци.
документарист | м.
Автор или режисер на документарни филмови.
документација | ж.
Документирање, потврдување на нешто со документи, со докази. Неговата книга е извонредна документација за животот на овие простори во минатиот век.
документира | св. и несв.
Наведе, наведува сигурни докази, докаже, докажува со документи. Тој го документираше своето тврдење со ред факти. Го документирала своето барање со сите потребни документи.
документиран | прид.
Што е поткрепен со документи, со докази. Документиран материјал. Документирана информација. Документирани записи.
докуп | м.
Докупување на нешто одеднаш, обично во поголема мера. Се пензионира со докуп на стаж.
докупи | св.
Заврши со купување. Отидовме на пазар и докупивме сѐ што ни требаше.
