доструже | св.
Иструже до определена мера или до крај. Го достругав дрвото.
достуди ми | св.
Почувствувам студ, ми стане студено. Мене ми достуде.
достур | прил.
Доволно, многу. Работи достур. Имаше достур јадење и пиење.
досуди | св.
Со судска пресуда определи некому нешто. Судот ми ја досуди куќата.
досуши | св.
Суши, исуши до крај. Ја досушив косата.
дотажи | св.
Престане со тажењето за некого или за нешто. Го дотажија војникот.
доталка | св.
Престане да талка. Талкал по светот и доталкал.
дотаму | прил.
До тоа место. Колата оди дотаму.
дотација | ж.
Сума што им ја доделува државата на организации или претпријатија за покривање на редовните трошоци или за други цели. Средствата од дотацијата се трошени наменски.
дотегне ми (ти му...) | св.
Ми стане тежок, неподнослив; ми здодее нешто. Затворот им дотегнува на сите затвореници. Му дотегнало одењето дома.
