двомоторен | прид.
Што има два мотора. Двомоторен авион.
двонасочен | прид.
Што има две насоки, што се врши во две насоки. Двонасочен сообраќај.
двонационален | прид.
Што опфаќа две нации, што се однесува на две нации. Двонационална средина.
двопек | м.
Двапати печен леб; пексимид. За болен стомак најдобро е двопек и чај.
двополов | прид.
(физ.) Што има два електрични или магнетни пола.
двор | м.
Голема раскошна палата во која живее владетел или веледостојник; дворец. Во минатиот век се играл кадрилот во европските дворови.
двореден | прид.
Што се состои од два реда. Дворедно закопчување.
дворен | прид.
Што се однесува на двор. Дворно место. Дворна врата. Дворни ѕидови околу куќата.
дворец | м.
Аристократски, богаташки дом; замок. Купи прекрасен дворец од крајот на 16 век. Живее како царица во дворец.
дворјанин | м.
Лице што му припаѓа на најблискиот круг на владетелот, висок дворски службеник. Дворјанинот мораше да биде трезен кога царот се опиваше.
