дилер | м.
Берзански агент што се занимава со купување на вредносни хартии и други стоки од свое име и за своја сметка.
дилетант | м.
Тој што без научна и без стручна подготовка се занимава со некоја наука или уметност за свое лично задоволство; аматер. Дилетант подобар од професионалец.
дилетантизам | м.
Работа, активност на дилетант.
Дили | ср.
Главен град на Источен Тимор.
дилижанса | ж.
Голема затворена кочија со коњи, која служела за превоз на патници и на пошта. Со дилижанса допатува до градот.
дилми | сврз.
Штом, кога, бидејќи, нели. Дилми си дошол сега, не враќај се.
дилувиум | м.
Период од развојот на Земјата, по леденото време, кога почнале да се топат глечерите, период кога се појавил прачовекот.
дилувијален | прид.
Што потекнува од дилувиумот, период по леденото време. Дилувијално време. Дилувијални материјали.
дим | м.
Ситни честички и гасовити производи од согорување што се креваат во воздухот кога нешто гори; чад. Се крева густ дим. Се крена дим од запалено сено.
димен | прид.
Што е од дим. Димна завеса. Димни облаци.
