запоти се | св.
За човек или за животно – почне да се поти. Децата се запотија играјќи брканица.
запотка | ж.
Народен обичај на китење куќа и др. со зелени врбови или со други зелени гранки.
запотне | св.
започне | св.
Почне да прави нешто. Таа започна да се смее. Некои жени започнаа да плачат. Тој започна да бега.
заправи | св.
Почне да прави нешто. Од кога си ја заправил куќата и уште не е готова.
запраша | св.
а) Постави прашање некому; праша. Од каде си ти? – го запраша старецот. Како се случило тоа? – запрашаа присутните. б) Праша некого за нешто, во врска со нешто. Ја запрашав девојката каде се наоѓа школото. Тој ме запраша како си поминав на одмор.
запраши 1 | св.
Покрие, потури со прав; крене прав. Таа го запраши замрзнатиот двор со пепел. Автомобилите го запрашија воздухот.
запраши 2 | св.
Ископа, скопа со прашалка. Денес ќе го запрашиме кромидот, а утре пченката.
запре | св.
Престане да оди, да се движи, да се одвива некое дејство. Жената запрела пред една порта. Пред селото запреа камиони. Моторот запре. Музиката наеднаш запре. Одвај дочека да запре дождот.
запрега | ж.
Кола во која се впрегнати животни. Коњска запрега. Воловска запрега.
