заромони | св.
Почне да ромони. Надвор заромони ситен дожд.
заромори | св.
Почне да ромори. Поточето заромори низ брегот.
зарони | св.
Почне да рони. Тој зарони од пченката. Детето им зарони леб на гулабите.
зароси | св.
Почне да роси. Надвор пак зароси.
зарошка | св.
Почне да рошка. Тој зарошка во џебовите.
за'рска | св.
Почне да 'рска. Во устата му за'рска зрнце песок.
за'рскоти | св.
Почне да 'рскоти. Во дворот нешто за'рскоти.
за'рти | св.
Почне да 'рти. Житото за'рти.
заруди | св.
За овца – почне да добива мека и кадрава волна. Овците зарудија.
заруменее (се) | св.
Добие румена боја, стане румен. Образите му се заруменија.
