инсинуира | св. и несв.
Направи, прави инсинуација, подметне, подметнува некому нешто.
инсистира | св. и несв.
Настои, настојува на нешто, упорно истакнува нешто. Вујко ми многу инсистираше да останам уште еден ден. Во наставата, треба постојано да се инсистира на правилната употреба на личните заменки.
инскрипција | ж.
Запишување; ставање наслов, натпис. Грчко-римските надгробни инскрипции ги претставуваат настаните опишани во Новиот завет, а има и цитати од светите книги.
инсолвентен | прид.
Што е неспособен да плати, платежно неспособен да одговори на обврските; Инсолвентен должник.
инспектор | м.
Службено лице што врши инспекција; контролор. Училиштен инспектор. Полициски инспектор. Инспектор на санитарната управа.
инспекторат | м.
Служба што врши инспекција.
инспекција | ж.
Прегледување, преглед; проверка. Утре, во девет часот ќе извршам инспекција.
инспиративен | прид.
Што дава инспирација; што поттикнува на нешто. Во својата нова книга, поетот наоѓа нова инспиративна тема: родниот крај и неговата убавина. Тој одржа еден навистина инспиративен говор.
инспиратор | м.
Лице што поттикнува на нешто, што вдахнува, дава некоја идеја. Тој не е само учесник во настаните, туку и еден од инспираторите на борбата која ќе го обесмрти.
инспирација | ж.
Ненадејна побуда за духовно творење; вдахновение. Тоа дело беше плод на една силна внатрешна инспирација.
