исплаче | св.
Излее, преточи чувство во солзи. Ја исплака сета тага што ја носеше во себе со години.
исплаши | св.
Предизвика чувство на страв кај некого. Мачката ја преврте саксијата и ме исплаши.
исплеви | св.
Исчисти од плевел. Го исплеви гравот.
исплеска | св.
Направи нешто да биде сплескано, истенчено. Ги исплеска ќофтињата. Го исплеска тестото.
исплете | св.
Заврши со плетење. Бабата исплете џемперчиња за внуците. Пајакот исплете пајажина над вратата.
исплетка | св.
Заплетка, направи нешто да биде заплеткано. Ги исплетка конците.
исплива | св.
Излезе на површината на водата пливајќи. Падна од голема височина и едвај исплива на површината.
исплиска | св.
Наводени некого или нешто, испрска. Автомобилот помина низ вирчето со сета брзина и ги исплиска минувачите. Ја исплискаа со ладна вода и таа се освести.
исплови | св.
Почне да плови, излезе од пристаниште, тргне на пат по вода. Бродот исплови пред еден час.
исплука | св.
Со плукање исфрли нешто од устата. Ја исплука семката далеку од себе. Исплука крв.
