климат | м.

климатизација | ж.

Одржување на соодветна температура и влажност на воздухот во затворени простории со помош на климатизер.

климатизер | м.

Апарат со кој се регулира и се одржува соодветна температура и влажност на воздухот во затворена просторија; клима уред, еркондишн.

климатизира | св. и несв.

Спроведе, спроведува климатизација.

климне | св.

клин | м.

Зашилено и плоснато парче дрво или метал што се користи за цепење дрва или се поставува за подигање товар; такво парче дрво што се поставува во некаков отвор, процеп. Со сета претпазливост ја затвори вратата, ја кладе жапката и еден клин на неа.

клинест | прид.

Што е има форма на клин 1, што личи на клин

клинец | м.

Мало, цилиндрично парче метал, зашилено на врвот од едната страна и со глава на другата, врз која се удира; шајка. Палтото го беше обесил на клинецот зад вратата.

клиника | ж.

Специјализирана болничка установа (обично во рамките на медицински факултет) за лекување болни, за научни испитувања и за практична медицинска настава. Хируршка клиника. Приватна клиника.

клинички | прид.

Што се однесува на клиника, што се прави на клиника. Клиничко испитување. Клиничко лекување.