крстоса | св.
Постави нешто во облик на крст. Двете момчиња ги крстосаа дрвените сабји.
крстосница | ж.
Место каде што се вкрстуваат две или повеќе улици.
крстосувач | м.
Брз вооружен брод. Кајчето треба да биде мало за да ги избегне крстосувачите.
крстосувачки | прид.
Што се однесува на крстосувач. Крстосувачки ракети.
крстум | прил.
Како крст; во крст, на начин да формира крст. Носеше два ремена препашани крстум на градите.
крт 1 | м.
Цицач што се храни со инсекти, живее под земја и има предни нозе и муцка приспособени за копање; Talpa europaea. Кртот е повеќе штетно отколку корисно животно.
крт 2 | м.
Неплодна посна земја.
крт | прид.
Што лесно се крши, се дроби. Коските стануваат крти во староста.
кртала | несв.
кртечина | ж.
Купче земја на површината на земјата изриено од крт, место, живеалиште на кртови. Кртечините на ливадата се претворени во извори.
